يمكن تستغربون الطريقه اللي بكتب فيها هالمقال
وش فيني قلبت كذا فجاءه؟
مااعرف عدد الناس الي تمر على مدونتي عشان تشوف وش اكتب
ممكن واحد ممكن 6 وممكن ( سبعطعش )
بس كل واحد له طريقه ونظره تختلف عن الثاني في كتابتي
وممكن جزء من العشرين ماعجبهم الاسلوب ومارجعوا ثانيه
وممكن جزء من الثلاثين على العكس تماما
وممكن اربعه فكروا يكتبون تعليق يسعدني ويخليني اتشقق
وممكن جزء من الخمسين تجي تسالني هاذي اشعارك؟
لكن المهم هنا ان المدونه تعبر عن خيالاتي و عن افكاري و عن مشاعري اللي تتحول كل لحظه
والغريب ان افكاري بيني وبين نفسي غالبا تكون بلغه عربيه وممكن تكون فصحى
وممكن تتجه للتحليليه احيانا كثير
ومرات ومرات سالت نفسي لو شخص دخل براسي يوم او انكشفت حقيقه باللي اافكر واتامل فيه
اعرف ان اليوم راح يجي .. لكن مااعرف مدى صلابتي لتقبل الناس لتحليق افكاري
ولا اسئلتي الفصحى او العاميه
ماعلينا .. يمكن هالاسلوب اليوم يناسب حوسه غرفتي
وحوسه عقلي اللي بدا يتراجم بين بعضه
لي كم يوم وشراهتي مؤلمه للاكل وللحياه ولكل شي .. لكل شي ممكن يحقق لي لذه
حتى مشيتي متغيره .. كلامي .. ونظراتي .. وباتسامتي .. حتى صرت اطلع اون لاين على المسنجر ( فضحت نفسي ها)
فقررت اليوم مع شهيتي المنبقه اني اصلح مفن ودجاج التكا لتاج راسي
واكلت الين دخت .. وانسدحت مع سولو بيانو .. وابحرت بتناحتي المعتاده
الحقيقه انا شخص سعيد .. واعيش سعيد .. وان كثرت اللذات حولي او قلت فربي رزقني صندوق امرح فيه
بس فيه هرمون طلع فجاءه فيني على مااظن .. بعد نوم لمده يومين متواصله .. ماعدا من بعض الصحوات لحاجات
صحيت اجهل نفسي .. وممكن اطالع فتره طويله بمسمار عشان افهم وش هذا بالضبط
واسال نفسي وش احس فيه ؟ بس القى نفسي مااحس بشي
مااحس باي شعور .. بأي لغه
هالاسبوع هو الرابع ومقبله على اختبارات دعواتكم جميعا لي
الحقيقه انا شخص سعيد .. واعيش سعيد .. my dear writer...it is very important to feel it rather than to write it..............all the best.
ReplyDeleteاهم شي من كل هالحروف أنك سعيده ياقلبي
ReplyDeleteولا يهم أي شي آآآخر
دمت لمحبيك